La man d'Urlica

La Man d’Urlica clau totes los ingredients del roman d’aventura, amb los rebombiments necessaris per manténer lo lector lo nas sus las paginas. Aquò fa d’aqueste roman, pr’aquò publicat lo primièr còp fa ara mai de seissanta ans, una òbra qu’a pas ges vielhit. L’òbra nos remembra que los sentiments umans an pas d’edat, son universals e intemporals.
Se rescontre dins aqueste libre la reconstitucion romançada de la vida d’una tribú als tempses paleolitics. Es un pauc la cronica d’un clan amb sas batèstas de poders, sas frustracions amorosas e sas violéncias intestinas. Mas se i tròba tanben los sentiments que permetèron a l’umanitat d’evolucionar, coma per exemple lo de la solidaritat e de la compassion. Dins una pontanada ont los perilhs de tota mena gralhavan a cada instant, las mesentendudas podián menar un grope a sa pèrdia. D’aquí la necessària saviesa de qualqu’unes per assegurar la patz e lo bonaür de totes. De totjorn l’union faguèt la fòrça. D’ont mai quand una tribú-nacion se deu parar d’agressions exterioras. Res de nòu jol solelh desempuèi la naissença de l’umanitat…

Raimonda Tricoire (1899-1994) es originària de Dun, en País d’Òlme. Al moment de la segonda guèrra mondiala, Raimonda Tricoire se plaçava coma segonda escrivana la mai prolifica del periòde (darrièr Joana Bartés, mai coneguda amb l’escais de Clardeluna). L’òbra de l’autora foisenca es tant abondosa coma variada en genres : poèmas, contes, romans, etc. Escrivèt sos romans en francés e lo demai de sas òbras en occitan. Son roman « Esclamonda de Perelha » es ja estat tradusit e publicat en lenga nòstra.
Revirada en occitan del Lengadòc de Sèrgi Viaule.

Roman préhistorique destiné à la jeunesse, publié en français en 1952, de Raymonde Tricoire, auteure ariégeoise d’expression française et occitane. On lui doit également le roman historique Esclarmonde de Péreille, martyre cathare. Les deux ouvrages ont été traduits en occitan par Sèrgi Viaule.